У Менску брыгада спецыялістаў хуткай дапамогі прыбыла на выклік да пацыента. Мужчына напаў на іх з сякерай. Зараз абодва фельчары шпіталізаваны ў сталічную бальніцу, паведамілі ў афіцыйным Telegram-канале Міністэрства аховы здароўя рэспублікі.
Як паведамілі ў ведамстве, “у пацярпелых медыцынскіх работнікаў дыягнаставаны спалучаныя траўмы. Агульны стан расцэньваецца як сярэдняй ступені цяжкасці, праводзіцца ўсё неабходнае лячэнне”. Абставіны і прычыны здарэння пакуль не паведамляюцца.
Пацярпелых медыкаў у бальніцы наведаў міністр аховы здароўя Аляксандр Хаджаеў.
