Змены ў тапаніміцы. Сквер, які знаходзіцца ў Менску на вуліцы Каліноўскага, назвалі «Яблыневым». Са слоў дэпутата Вадзіма Гігіна, гэта зрабілі для таго, каб адысці ад народнай назвы «Сквер на Каліноўскага».
У сваім тэлеграм-канале прапагандыст пахваліўся, што ў беларускай тапаніміцы застаецца ўсё менш месцаў, звязаных з Кастусём Каліноўскім, якога Гігін у чарговы раз назваў «польскім рэвалюцыянерам-тэрарыстам». Гігін таксама анансаваў перайменаванне вуліцы Каліноўскага. Ён заявіў, што яму нібыта паступае ўсё больш зваротаў грамадзян з гэтай нагоды, і ён упэўнены, што вуліцу пераймянуюць.
У снежні гімназіі ў Свіслачы, якая насіла імя Каліноўскага, надалі новае імя ў гонар падпольшчыцы Праскоўі Васіленкі.
Беларускае Радыё Рацыя
