У навагоднюю ноч у Беларусі ад піратэхнікі пацярпелі пяць чалавек: трое дарослых і двое дзяцей. У чатырох выпадках гэта рознай цяжкасці пашкоджанні рук і ў адным здарэнні – разрыў барабаннай перапонкі.
Як жыхары Берасцейшчыны ставяцца да актыўнага выкарыстання піратэхнікі на святы, пацікавіўся наш карэспандэнт:
-Я не супраць піратэхнікі – гэта весела, ярка.
-Няхай страляюць, але толькі ў вызначаных месцах, і ўсё будзе нармальна. Дзеці, самае галоўнае, каб не хуліганілі.
-Станоўча. Гэта ж свята!
-Гэта прыгожа, галоўнае, каб гэта было бяспечна.
-Забараніць увогуле, каб не стралялі, не палохалі! Каб дзеці не палілі сабе пальцы.
Ратавальнікі нагадваюць два галоўныя правілы бяспекі: перад выкарыстаннем піратэхнікі азнаёміцца з інструкцыяй і запускаць салюты на адлегласці ад будынкаў.
Беларускае Радыё Рацыя
