Арцём Клімчук і Аляксандр Пабяржын – такія палітвязні з Берасцейшчыны ўжо сёння, 18 ліпеня, маюць Дзень народзінаў.
Арцём Клімчук
Яны знаходзяцца за кратамі з прычыны заведзеных крымінальных палітычна матываваных справаў:
– Палітвязень Арцём Клімчук быў асуджаны па ч. 2 арт. 293 Крымінальнага кодэкса — удзел у масавых беспарадках. Жыхар Берасця з’яўляецца фігурантам справы, узбуджанай пасля поствыбарчых акцый пратэсту ў абласным цэнтры. Прысуд – тры гады і шэсць месяцаў пазбаўлення волі ў калоніі ва ўмовах узмоцненага рэжыму. Дасылаць лісты можна ў папраўчую калонію №3.
У сваю чаргу палітвязню Аляксандру Пабяржыну прад’явілі абвінавачванні па двух артыкулах Крымінальнага кодэкса. Гэта арт. 369 або абраза прадстаўніка ўлады і арт. 368 або абраза Лукашэнкі. Унесены ў так званы спіс экстрэмістаў. Мужчына адбывае пакаранне ў калоніі, аднак у якой менавіта невядома.
Аляксандр Пабяржын
Аліса Поль, Беларускае Радыё Рацыя
