Сёння – Вялікая пятніца ў праваслаўнай царкве, калі вернікі ўспамінаюць пакуты і смерць Хрыста на крыжы. Традыцыйна ў гэты дзень у храмах не адпраўляецца літургія.
У гэты дзень у цэрквах з алтара выносяць Плашчаніцу – палатно, якое сімвалізуе тое палотнішча, якім было абгорнутае цела Хрыста падчас яго пахавання. На плашчаніцы размешчаная выява цела Хрыста ў поўным рост у тым выглядзе, у якім яно было знятае з крыжа.
У Вялікую пятніцу Плашчаніцу выносяць на сярэдзіну царквы для таго, каб вернікі маглі ёй пакланіцца. Перад гэтым разам з Плашчаніцай і свечкамі робяць абход вакол храма. Для вернікаў гэты дзень з’яўляецца днём самага строгага посту ва ўсім літургічным календары.
Заўтра, у Вялікую Суботу, у храмах пройдзе асвячэнне ежы, а позна вечарам – велікодныя літургіі. Вялікдзень прыпадае на нядзелю, 5 траўня.
Беларускае Радыё Рацыя
