У Сетцы выявілі базу з 149 мільёнаў лагінаў і пароляў карыстальнікаў папулярных сэрвісаў, такіх як Gmail, Facebook, Instagram, Yahoo, Netflix і Outlook.
Пра знаходку паведаміў эксперт па кібербяспецы Ерамія Фаулер. Найбольш пацярпелі карыстальнікі Gmail — у базе было 48 мільёнаў уліковых запісаў. Эксперт адзначыў, што база не была зашыфраваная і выглядала як актыўны праект.
Дадзеныя ўдалося выдаліць, але на гэта спатрэбіўся больш як месяц. Карыстальнікам раяць не выкарыстоўваць паролі паўторна і ўключыць двухфактарную аўтэнтыфікацыю.
Беларускае Радыё Рацыя
