У спіс так званых «тэрарыстаў» КДБ унёс трох палітвязняў. Спіс папоўнілі прызнаныя беларускай праваабарончай супольнасцю палітвязнямі Павел Шорахаў, Аляксандр Судніковіч і Антон Ільін.
Падставай для дадавання да спісу стала “ўступленне ў законную сілу” прысудаў, вынесеных згаданым асобам за распальванне варожасці або варажнечы. Аляксандр Судніковіч абвінавачваўся таксама ў стварэнні экстрэмісцкага фармиравання, абразе прэзідэнта і прадстаўніка ўлады.
На сёння ў гтым “спісе тэрарыстаў” 1.352 пазіцыі і 1.249 чалавек, з іх 555 – грамадзяне Беларусі. Абвешчаным “тэрарыстамі” зняволеным забаронена атрымліваць грашовыя пераводы.
