У Варшаве сёння, 29 студзеня, разгледзелі справу беларускага экс-палітвязня Алеся Папковіча, якога згодна з Дублінскім рэгламентам збіраліся дэпартаваць з Польшчы ў Літву. Ваяводскі адміністрацыйны суд згадзіўся з працэдуральнымі парушэннямі ў справе і аргументацыяй індывідуальнай сітуацыі, таму адмяніў папярэдняе рашэнне.
Думкамі пасля выраку падзяліўся Алесь Папковіч:
-Яшчэ не ўсё скончана, але на сённяшні момант ёсць надзея, што ўсё будзе добра. І я застануся з сям’ёй тут, у Польшчы. Тое, чаго я намагаўся. Дзякуй усім, хто прыйшоў! Гэта вельмі важна, бо гэта не толькі мая праблема – гэта агульная праблема ўсіх беларусаў. Шмат хто можа сутыкнуцца і ўжо сутыкаўся з такімі праблемамі. І гэта вельмі важна, калі ёсць падтрымка. Эмоцыі пазітыўныя.
Нагадаем, Алесь Папковіч быў затрыманы ў 2022 годзе і да 2024-га адбываў пакаранне ў калоніі ў Беларусі. Пасля актывіст эвакуяваўся па літоўскай візе ў Польшчу, дзе знаходзяцца яго родныя.
Цалкам гутарка:
Беларускае Радыё Рацыя
