У цэнтры Варшавы адбылася акцыя памяці па забітым рэжымам у 2020 годзе 31-гадовым Раману Бандарэнку. Малады чалавек быў забіты за тое, што зрабіў спробу спыніць людзей, якія зрэзвалі бел-чырвона-белыя стужкі ў яго двары.
Гаворыць удзельнік акцыі – намеснік кіраўніцы Аб´яднанага пераходнага кабінета, кіраўнік НАУ Павел Латушка:
– Вельмі важна беларусам збірацца ў гэты дзень і ўшаноўваць памяць беларускіх герояў, якія аддалі сваё жыццё за свабоду, волю для нашага беларускага народа. Яны аддавалі сваё жыццё дзеля нацыі, дзеля дзяржавы. У прыватнасці, героямі для нас з’яўляюцца Раман Бандарэнка, Тарайкоўскі, Ашурак, Пушкін, Зельцар. На жаль, гэты спіс мы можам працягваць і працягваць...
Дождж, які быў у гэты дзень, не стаў перашкодай для беларусаў Варшавы, каб аддаць даніну памяці Раману Бандарэнку і ўсім змагарам, якія загінулі за вольную Беларусь ад злачыннага рэжыму.
Цалкам матэрыял:
Беларускае Радыё Рацыя
