17 студзеня каля памяшкання ў цэнтры Варшавы, куды беларусы водзяць дзяцей на тэатральны гурток, невядомая жанчына фатаграфавала бацькоў з дзецьмі. Пасля выкліку паліцыі яна ўцякла.
Сведка, бацька адной з выхаванак гуртка Ігар Кулей раіць у падобных сітуацыях дзейнічаць выключна ў прававым полі і неадкладна паведамляць паліцыі:
-Гэтаж не першы раз. Колькасць такіх выпадкаў сведчыць пра тое, што гэта мае сістэмны характар. Калі мяне пачуюць людзі, якія будуць у такіх жа сітуацыях, я заклікаю не баяцца, мы сапраўды ў прававых дзяржавах зараз знаходзімся па-за Беларуссю. І мы можам не баяцца падыходзіць, задаваць пытанні людзям.
Паводле Кулея, падобныя інцыдэнты могуць мець на мэце псіхалагічны ціск на беларусаў у выгнанні. На яго думку, спецслужбы Беларусі могуць выкарыстоўваць такіх «назіральнікаў» для стварэння атмасферы страху і недаверу, а таксама для спроб агентурнай апрацоўкі беларускай супольнасці за мяжой.
Спасылка на пост у ФБ:
Цалкам гутарка:
Беларускае Радыё Рацыя
Фота з фэйсбука Ігара Кулея
