Ватыкан паведаміў у суботу аб паступовым нязначным паляпшэнні стану папы Францішка, які больш за тры тыдні знаходзіцца ў бальніцы з-за падвойнай пнеўманіі. У нядзелю ўжо чацвёрты раз запар будзе апублікаваны тэкст разважанняў Папы над малітвай “Анёл Панскі” і яго прывітанне.
У медыцынскім бюлетэні адзначаецца: «Клінічны стан Святога Айца заставаўся стабільным у апошнія дні і, такім чынам, сведчыць аб добрай рэакцыі на тэрапію. Адзначаецца паступовае невялікае паляпшэнне». Як адзначаецца, лекары, жадаючы ацаніць паляпшэнне стану Папы Рымскага, пакуль устрымліваюцца ад далейшых прагнозаў. У заяве таксама гаворыцца, што ў суботу Папа маліўся ў капліцы прыватнага апартаменту, а пасля абеду адпачываў і працаваў.
Беларускае Радыё Рацыя
