У Заслаўі Менскай вобласці да Дажынак знеслі карчму і краму, якія раней лічыліся помнікамі архітэктуры. Паводле інфармацыі тэлеграм-канала «Спадчына», знішчаны два драўляныя будынкі пачатку XX стагоддзя на рагу Савецкай і Паштовай вуліц у гістарычным цэнтры горада.
Гэтыя два будынкі па Савецкай вуліцы яшчэ дзесяць гадоў таму афіцыйна лічыліся гісторыка-культурнымі каштоўнасцямі. Абодва дамы былі ўключаны былі ўзяты пад ахову яшчэ ў 1994 годзе, у Дзяржаўны спіс перанесены ў 2007 годзе.
Пазбавілі іх ахоўнага статусу ў 2014 годзе, калі горад рыхтавалі да іншага свята, Дня беларускага пісьменства.
Згодна з Кодэксам аб культуры, пазбавіць помнік статусу можна, калі ён быў знішчаны або страціў адметнасці, якія абумовілі яму наданне статусу, і немагчымае ягонае навукова абгрунтаванне аднаўленне. Паколькі будынкі з 1994 года, калі яны атрымалі статус, ніяк не змяніліся, а іх выгляд добра вядомы, выключэнне са спісу выглядае незаконным.
Свята „Дажынкі“ ў Беларусі ўжо не адно дзесяцігоддзе канчаецца для малых гарадоў адчувальнымі стратамі гістарычнай забудовы, якая выглядае для чыноўнікаў недастаткова прывабна.
