У раённых выданнях Беларусі з лета праходзіць сістэмная агітацыйная кампанія па фармаванні «народнага апалчэння», перадае Радыё Свабода. У ёй удзельнічаюць кіраўнікі і супрацоўнікі раённых аддзелаў МУС.
Усе публікацыі будуюцца паводле аднаго ўзору: у іх распавядаюць, што такое народнае апалчэнне, яго задачы, хто можа далучыцца і якія перавагі маюць тыя, хто вырашыў стаць апалчэнцам.
Улады пакуль не называлі агульную колькасць грамадзян, якія ўжо далучыліся да народнага апалчэння. Тым не менш, сцвярджае Радыё Свабода, у Менскім раёне ў апалчэнцы запісалася больш за 1,5 тысячы чалавек, у Браслаўскім раёне — 200 чалавек.
