16 лютага Менскі гарадскі суд разгледзіць пазоў сталічнага выканкама аб ліквідацыі грузінскага культурна-асветніцкага таварыства “Мамулі” (“Айчына”).
Як піша сайт “Позірк”, рэжым Лукашэнкі можа пераследаваць арганізацыю з палітычных матываў. У 2020 годзе на сайце аб’яднання публікаваліся матэрыялы аб пратэстах пасля прэзідэнцкіх выбараў у Беларусі і акцыі салідарнасці з беларускім народам, якія праходзілі ў Грузіі. Пазней гэтыя матэрыялы былі выдаленыя з сайта.
Аб’яднанне “Мамулі” было зарэгістраванае ў 2006 годзе, працуе ў Менску і Менскай вобласці. Раней улады ліквідавалі нацыянальныя арганізацыі палякаў, армянаў, літоўцаў, сірыйцаў ды іншых нацыянальных меншасцей.
Беларускае Радыё Рацыя
