Міністэрства ўнутраных спраў Беларусі перагледзела нормы забеспячэння зброяй і боепрыпасамі асобных арганізацый і службаў. Апублікаваны дакумент сярод іншага прадугледжвае павелічэнне нормаў для прыватнай ахоўнай кампаніі «ГардСэрвіс», заўважыў reform. news.
«ГардСэрвіс» — адзіная ў Беларусі прыватная ахоўная кампанія з правам ужывання службовай і цывільнай зброі. Яе ўзначальвае супрацоўнік службы бяспекі Лукашэнкі — Юры Альшэўскі. У прыватнасці, павялічаныя нормы забеспячэння асобнымі мадэлямі аўтамата Калашнікава.
