У Менску пачаўся судовы працэс над дзіцячым анколагам Аленай Шарафановіч, якую абвінавачваюць у парушэнні грамадскага парадку. У Аб’яднаным пераходным кабінеце назвалі гэтую справу сведчаннем мэтанакіраванага знішчэння не толькі грамадзянскай супольнасці, але і ўсёй сістэмы аховы здароўя.
Прадстаўніца АПК Вольга Зазулінская адзначыла, што падрыхтоўка дзіцячых анколагаў займае дзесяцігоддзі, а рэпрэсіі супраць прафесіяналаў пагаршаюць сітуацыю з кадрамі ў беларускай медыцыне. “Гэта не проста пераслед, а форма дзяржаўнага тэрору,” — падкрэсліла Зазулінская.
Яна заклікала міжнародную супольнасць звярнуць увагу на сістэмны характар рэпрэсій і падтрымаць беларускіх спецыялістаў, якім даводзіцца змагацца не толькі за сваю прафесію, але і за свабоду.
Беларускае Радыё Рацыя
