Маладыя беларусы пакідаюць родную краіну, у якой не пачуваюцца бяспечна. Яны хочуць вучыцца і жыць там, дзе гаварыць можна, што думаеш, услых, а не шэптам, азіраючыся па баках, гаворыць Глеб Пармон.
– Калі выходжу на вуліцу – усё шэрае, не тое, што было раней. Шмат абмежаванняў. І небяспечна. Калі ты зрабіў нейкі пост у сацсетках, ці лайк паставіў, ты баішся, хвалюешся, каб табе дзверы не выламалі і не прыйшлі, каб збіць цябе. Таму мусіш быць асцярожным, нават калі з сябрамі камунікуеш, у тым самым тэлеграме, асабліва гучна ты не пагаворыш, таму што калі акно адчыненае, то можа хтосьці пачуць. Усё ідзе да аўтарытарнага рэжыму.
Несумненна трэба паставіць у «заслугу» Лукашэнку вяртанне Беларусі ў мінулае. Глеб Пармон прыехаў у Польшчу, каб працягнуць вучобу на юрыдычным факультэце, куды паступіў і вучыўся яшчэ ў 2022. Вяртацца ў Беларусь не плануе, ён выбраў вольную Польшчу.
Цалкам матэрыял:
Беларускае Радыё Рацыя
