Выканаўцу абавязкаў старшыні Партыі БНФ Вадзіма Саранчукова 30 жніўня Гарадзенскі абласны суд завочна асудзіў да чатырох гадоў пазбаўлення волі ва ўмовах ўзмоцненага рэжыму і штрафу ў памеры 24 тысяч рублёў. Яго засудзілі паводле ч.1 і 2 арт. 361-4 Крымінальнага кодэксу (“Садзейнічанне экстрэмісцкай дзейнасці”). 4 верасня палітык з дапамогай юрыстаў абскардзіў прысуд у Вярхоўным Судзе.
Раней аналагічную апеляцыйную скаргу падаў гарадзенскі журналіст і праваабаронца Уладзімір Хільмановіч, якога таксама завочна засудзілі да 5 гадоў калоніі ўзмоцненага рэжыму і вялізнага штрафу на 40 тысяч рублёў.
Дарэчы, у судзе над гарадзенскім палітыкам Вадзімам Саранчуковым усплыў цікавы факт. Прызначаны адвакат Раман Гушчын ад імя падабароннага прызнаў у судзе віну ў поўным аб’ёме, піша «Гарадзенская Вясна.
Беларускае Радыё Рацыя
