Актывіста і выканаўцу абавязкаў старшыні БНФ Вадзіма Саранчукова завочна асудзілі да 4 гадоў пазбаўлення волі.
Таксама яму прызначылі штраф у 24 000 рублёў. Пра гэта Вадзім паведаміў на сваёй старонцы ў Facebook.
«Асобная падзяка “чудо-адвакату” Гушчыну Раману Іванавічу, які прызнаў маю “віну” у поўным аб’ёме… Не маю за што выбачацца ці саромецца, лічу, што ўсё раблю слушна!».
Нагадаем, Саранчукова абвінавачвалі паводле ч. 1 і ч. 2 арт. 361-4 КК (Садзейнічанне экстрэмісцкай дзейнасці). Судовы працэс праходзіў у Гарадзенскім абласным судзе. Суддзя — Аляксандр Козел.
вясна
