24 верасня сустрэнуць дзень народзінаў палітвязні з Берасцейшчыны – Валерый Хаменка і Сяргей Маўшука.
Палітвязень Валеры Хаменка быў асуджаны па арт. 130 Крымінальнага кодэкса — Распальванне варожасці ці варажнечы. Да затрымання працаваў лекарам хуткай дапамогі ў Баранавічах. Мужчыне было нібы прад’яўленае “распальванне варожасці” да расейцаў. Прысуджана два гады і шэсць месяцаў пазбаўлення волі ў калоніі ва ўмовах агульнага рэжыму. Адраз да карэспандэнцый праваабаронцам не вядомы.
У сваю чаргу палітвязень Сяргей Маўшук быў асуджаны па ч. 2 арт. 293 Крымінальнага кодэкса — Удзел у масавых беспарадках. Фігурант крымінальнай справы аб масавых беспарадках у Пінску ў ноч з 9 на 10 жніўня 2020 года. Прысуджана шэсць з паловай гадоў пазбаўлення волі ў калоніі ва ўмовах узмоцненага рэжыму. Ліставаць ці дасылаць бандэролі можна ў папраўчую калонію №8.
Беларускае Радыё Рацыя
