Вечар салідарнасці з палітзняволеным сустаршынёй партыі БХД Паўлам Севярынцам, якога рэжым адправіў за краты яшчэ да пачатку выбараў 7 чэрвеня 2020 года, прайшоў у Варшаве ў Witrynie Domu Wschoniego. Арганізавалі мерапрыемства сябры партыі.
Людзі, якія асабіста ведалі Паўла, успаміналі кранальныя жыццёвыя гісторыі, гаварылі пра яго кнігі, чыталі паэтычныя творы, аналізавалі яго дзеянні як палітыка, якога ў калоніі зараз асабліва катуюць, гаворыць сябра партыі Таццяна Малашчанка:
– Усім вядома імя Паўла Севярынца. Усім вядома, што гэта за чалавек, што ён зрабіў і дзе ён цяпер. Вядома, ён там не адзін. Ён там з такімі ж годнымі, сапраўднымі патрыётамі. Але робяць усё, каб ён адчуваў самоту, і не толькі ён. З усімі нашымі палітычным вязнямі так робяць, каб яны не адчувалі ніякай падтрымкі, не адчувалі ніякай надзеі. Каб проста забіць іх там.
Павел Севярынец быў арыштаваны 7 чэрвеня 2020 г. Праз год, 25 траўня, ён быў асуджаны да 7 гадоў калоніі ўзмоцненага рэжыму.
Беларускае Радыё Рацыя
