У праваслаўных храмах сёння асвяцяць збожжа, зёлкі і кветкі. Вернікі праваслаўнай царквы адзначаюць свята Успення Прасвятой Багародзіцы. Свята з’яўляецца апошнім з дванаццаці найважнейшых у праваслаўным богаслужэбным календары. Яму папярэднічае двухтыднёвы пост.
Свята Успення Прасвятой Багародзіцы было ўстаноўлена ў IV стагоддзі – вернікі Царквы называюць смерць Дзевы Марыі «ўспеннем». Паводле традыцыі ў гэты дзень у праваслаўных храмах асвячаюць букеты з сёлетніх зерня, траў і кветак. Асвячоныя збожжа выкарыстоўваюцца для першай сяўбы наступнага года, каб забяспечыць ураджай.
На Падляшшы асабліва ўрачыста Успенне адзначаецца ў Чыжах, Бельску-Падляшскім, Дубінах, Кляшчэлях, Заблудаве і ў беластоцкіх Старасельцах.
Беларускае Радыё Рацыя
