Віталь Бандарук і Вячаслаў Шэлямет. Такія палітвязні з Берасцейшчыны сёння, 18 лютага сустракаюць свой Дзень народзінаў за кратамі. Яны адбываюць пакаранне па крымінальных палітычна матываваных артыкулах.
Палітвязень Віталь Бандарук быў асуджаны па такіх артыкулах крымінальнага кодэксу як Здзек з дзяржаўных сімвалаў, Абраза прадстаўніка ўлады, Абраза прэзідэнта Рэспублікі Беларусь, Распальванне варожасці ці варажнечы і Паклёп у дачыненні да прэзідэнта Рэспублікі Беларусь. Мужчына ўнесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці. Прысуд – 5 гадоў пазбаўлення волі ў калоніі ва ўмовах агульнага рэжыму. Напісаць ліст ці даслаць паштоўку можна ў папраўчую калонію №17.
У сваю чаргу палітвязень Вячаслаў Шэлямет асуджаны па ч. 2 арт. 293 Крымінальнага кодэкса – Удзел у масавых беспарадках. Хлопца абвінавацілі ва ўдзеле ў падзеях у ноч з 9 на 10 жніўня 2020 года ў Пінску. Па выніках суда прысудзілі 5 гадоў і 6 месяцаў пазбаўлення волі ў калоніі ва ўмовах узмоцненага рэжыму. Падтрымаць можна грашовым пераводам ці карэспандэнцыяй у папраўчую калонію №3.
Аліса Поль, Беларускае Радыё Рацыя
