62-гадовага прадпрымальніка і актывіста са Светлагорска Анатоля Змітровіча асудзілі паводле ч. 1 арт. 367 КК (паклёп у дачыненні да Лукашэнкі). Яму прызначылі 10 месяцаў пазбаўлення волі з утрыманнем у калоніі агульнага рэжыму, піша «Гомельская Вясна». Сутнасць абвінавачвання невядомая.
Да затрымання Анатоль быў індывідуальным прадпрымальнікам і актыўным удзельнікам прадпрымальніцкага руху. Ён вядомы таксама як экалагічны актывіст у перыяд будаўніцтва і запуска Светлагорскага завода беленай цэлюлозы, калі адбываліся шматлікія выкіды шкодных рэчываў у атмасферу. У апошні час працаваў у адным з прадпрыемстваў у галіне аўтасервісу.
