Міжнародны камітэт па расследаванні катаванняў у Беларусі, выпусціў расследаванне “Цэнтральнае РУУС г. Менска. Катаванні затрыманых 9–13 жніўня 2020 года”.
Кажа галоўны расследвальнік і заснавальнік камітэту Сяргей Усцінаў:
– Доказы мы збіраем ужо з 2020 года. Непасрэдна ў гэтым расследаванні мы вывучалі 54 гісторыі пацярпелых, якія знаходзіліся Цэнтральным РУУС у гэты час. Гэта недзе 72 старонкі паказанняў і каля 140 старонак непасрэдна медычных дакументаў, там фотаздымкі і г.д. Гэта ўжо чацвёртае расследаванне, быў Фрунзенскі РАУС, Савецкі РАУС, Цэнтр ізаляцыі правапарушальнікаў. Мы працуем над Маскоўскім РАУС. Заклікаем усіх, хто пацярпеў, звяртацца, дакументавацца.
Задача камітэта — задакументаваць максімум сведчанняў злачынстваў рэжыму Лукашэнкі і расследаваць, што адбывалася ў першыя дні пратэстаў у кожным РУУС Беларусі.
Камітэт прымае звароты на пошту: [email protected]
Беларускае Радыё Рацыя
