Беларускія палітвязні, якія былі вызваленыя 13 снежня, прыехалі ў Варшаву. Тут – каля Цэнтра Беларускай Салідарнасці – іх сустрэлі сябры і родныя, палітыкі, актывісты і журналісты.
Былыя зняволенныя падзяліліся сваімі першымі эмоцыямі:
Падтрымаць экс-палітвязняў да ЦБС прыйшлі як беларускія палітыкі (сярод якіх – Павел Латушка і Арцём Брухан), так і польскія і немецкі.
Нагадаем, усяго 13 снежня было вызвалена 123 палітзняволенных. Каля 90 з іх засталася ў Польшчы, частка з’ехала ў Літву, яшчэ двое (Марыя Калеснікава і Віктар Бабарыка) – у Германію.
Беларускае Радыё Рацыя
