Сяргей Салоха і Раман Сідзюк – палітвязні з Берасцейшчыны выйшлі на волю ў сувязі з адбытым тэрмінам пакарання па крымінальных палітычна матываваных справах. Яны цалкам адбылі прысуджанае пакаранне за кратамі:
Як Сяргей Салоха, так і Раман Сідзюк былі асуджаныя за акцыі пратэсту ў жніўні 2020 года ў Берасці.
У прыватнасці Сяргею Салоха была прад’яўлена ч. 2 арт. 293 Крымінальнага кодэкса — Удзел у масавых беспарадках. Прысуд – тры з паловай гады пазбаўлення волі ў калоніі ва ўмовах узмоцненага рэжыму. Палітвязень выйшаў на волю 1 красавіка бягучага года.
Жыхар Берасцейшчыны Раман Сідзюк таксама быў асуджаны па ч. 2 арт. 293 Крымінальнага кодэкса — Удзел у масавых беспарадках. Прысуджана 3 гады і 6 месяцаў пазбаўлення волі ў калоніі ва ўмовах узмоцненага рэжыму. Мужчына таксама выйшаў на волю 1 красавіка бягучага года.
Беларускае Радыё Рацыя
