BY
PL
EN

Беларускае Радыё Рацыя. 98,1 FM – Беласток, Гародня. 99,2 FM – Берасце

Радыё ONLINE

З 2020 года ў Беларусі ліквідавана амаль 1700 некамерцыйных арганізацый

За перыяд пасля прэзідэнцкіх выбараў 2020 года і да канца чэрвеня 2024-га ў Беларусі ліквідавана не менш за 1.696 некамерцыйных арганізацый (НКА) – аб’яднанняў, прафсаюзаў, фондаў, недзяржаўных устаноў і асацыяцый, гаворыцца ў новым аглядзе праваабарончай арганізацыі Lawtrend.

Паводле інфармацыі праваабаронцаў, на канец чэрвеня не менш за 1.061 НКА знаходзілася ў працэсе прымусовай ліквідацыі. Адзначаецца, што рашэнне аб самаліквідацыі па-ранейшаму прымаецца ў асноўным з-за ціску на сяброў НКА, неспрыяльнага прававога асяроддзя і грамадска-палітычнай сітуацыі.

Lawtrend падкрэслівае, што ў Беларусі ўжо некалькі гадоў у адносінах да грамадзянскіх актывістаў, прадстаўнікоў арганізацый грамадзянскай супольнасці актыўна выкарыстоўваецца заканадаўства аб супрацьдзеянні экстрэмізму. Улада “прызнае экстрэмісцкай любыя дзеянні, якія супярэчаць выбранаму ёю курсу”.

Беларускае Радыё Рацыя