Сілавікі затрымалі грузавы аўтамабіль Iveco, які перавозіў буйную партыю металу, паведамляе прэс-служба МУС.
За рулём транспартнага сродку знаходзіўся 39-гадовы непрацуючы жыхар Віцебска, адзначае ведамства.
“Пры аглядзе транспартнага сродку міліцыянеры выявілі амаль 10 тон лому чорнага і каляровага металаў. Суправаджальныя дакументы на груз кіроўца прадаставіць не змог”, — гаворыцца ў паведамленні.
Кошт грузу ацэньваецца ў 21 тыс. рублёў (каля 6,4 тыс. даляраў).
У дачыненні да мужчыны складзены адміністрацыйны пратакол за “парушэнне парадку вывазу з Рэспублікі Беларусь лому і адходаў чорных і каляровых металаў”.
У ведамстве не ўдакладнілі, у якую краіну вывозіўся метал.
Аднак раней неаднаразова паведамлялася аб спыненні спробаў вывазу лому ў РФ для наступнага перапродажу, а мужчына быў затрыманы недалёка ад мяжы з Расеяй.
Крыніца: pozirk.online
