Суддзя суда Браслаўскага раёна Аляксандр Вязіцкі за распаўсюд «экстрэмізму» ў сацыяльнай сетцы арыштаваў на 15 сутак Аляксея Бузо.
Падчас судовага паседжання высветлілася, што Аляксей размясціў і захоўваў у вольным доступе на сваёй персанальнай старонцы ў сетцы «Аднакласнікі» спасылкі на групы «STOP LUKA» і «Тэлеканал Белсат». Раней гэтыя групы ўлады ўнеслі ў рэспубліканскі спіс экстрэмісцкіх матэрыялаў.
З улікам таго, што «правапарушальнік» прызнаў віну і шчыра пакаяўся ў зробленым, суддзя Вязіцкі на падставе ч.2 арт. 19.11 КаАП, пакараў Бузо арыштам на 15 сутак і канфіскаваў у даход дзяржавы тэлефон, які належыў мужчыне.
