Суддзя суда Докшыцкага раёна Вячаслаў Елісеенка 21 снежня за распаўсюд у сацыяльнай сетцы «экстрэмісцкіх» публікацый пастанавіў пакараць грамадскімі працамі на тэрмін 40 гадзін і канфіскацыяй тэлефона работніка прадпрыемства «Раённыя электрычныя сеткі» Сяргея Салянку.
У судзе было ўстаноўлена, што Сяргей у сацыяльнай сетцы «Аднакласнікі» «захоўваў інфармацыйную прадукцыю» «экстрэмісцкага» тэлеканала «Белсат».
У судзе мужчына сваю віну прызнаў і выказаў згоду на прымяненне да яго адміністрацыйнага спагнання ў выглядзе грамадскіх прац, піша «Віцебская Вясна».
