Сілавікі ў праўладным тг-канале адсправаздачыліся пра моцнае збіццё жыхара Віцебска. Мужчыну затрымалі разам з сябрам за каментары аб тэракце ў “Крокус Сіці Холе” ў чат-рулетцы.
На апублікаваных фота адзін з затрыманых выглядае моцна збітым: у яго моцна апухла палова твару, заплыло вока, бачныя сінякі.
Аўтары канала кажуць, быццам ён аказаў супраціў і быў затрыманы “з жорсткім ужываннем фізічнай сілы, а маглі б і падстрэліць”, – гэта цытата.
Па якім артыкуле затрыманыя мужчыны і дзе цяпер знаходзяцца — невядома.
Беларускае Радыё Рацыя
