Гэта паведамілі ў Рэспубліканскім цэнтры гігіены і эпідэміялогіі. Аналіз сітуацый пацвердзіў, што звыш 80% шлях перадачы – палавы і каля 20% – ін’екцыйны.
Гэта значыць, што грамадзянам трэба хаця б раз на год праходзіць тэст на вірус імунадэфіцыту чалавека, – гаворыць нарколаг:
— Дзякуючы праграмам зніжэння шкоды, дзякуючы прафілактыцы, змянілася за 20 гадоў сітуацыя наадварот. Гэта значыць, было 80% праз ін’екцыйны шлях, а 20% праз палавы. Цяпер зрабілі наадварот: 20% праз інʼекцыйны, 80% праз палавы.
Хто ў нас абследуецца на ВІЧ? Толькі па нейкіх паказаннях. У нас няма агульнага абследавання. У нас наркаманы абследуюцца на ВІЧ раз у год, два разы на год абследуюцца на ВІЧ. Адпаведна, колькасць ВІЧ-інфікаваных упала да 20%. Звычайныя людзі не абследуюцца на ВІЧ. Ім гэта нецікава.
Усяго ж з пачатку года ў краіне дыягназ «ВІЧ» пастаўлены 1351 грамадзяніну. Атрымоўваецца амаль 15 выпадкаў на 100 тысяч насельніцтва краіны.
Беларускае Радыё Рацыя
