У Гарадзенскім абласным судзе з 26 лютага ў закрытым рэжыме за “падрыхтоўку дыверсій” судзілі беларуса Вадзіма Пацэнку і грамадзяніна Расейскай Федэрацыі Аляксея Кулікова. Іх абвінавачвалі агулам па пяці цяжкіх артыкулах Крымінальнага кодэкса, у тым ліку паводле ч. 3 арт. 126 (акт міжнароднага тэрарызму) і арт. 358-1 (агентурная дзейнасць). 11 красавіка Валер Раманоўскі агучыў прысуд. Вадзіма Пацэнку асудзілі да 21 года калоніі, а Аляксея Кулікова — да 23 гадоў зняволення.
Апошняе слова Кулікоў вымавіў па-ўкраінску, а Пацэнка заявіў “пра наяўнасць у яго дзеяннях палітычнай падаплёкі”, паведамляюць праўладныя Telegram-каналы, негледзячы на тое, што суд быў закрыты.
Крыніца: t.me/viasna96
