344 крыніцы інфрамацыі па стане на сёння прызнаныя на Берасцейшчыне экстрымісцкімі.
Штомесяц у спіс трапляе да некалькіх дзясяткаў медыя, – распавяла праваабаронца Ганна:
– Чаты, каналы, суполкі, групы, часам кнігі, калі браць у разлік тыя судовыя рашэнні, якія прымаліся з ліпеня 2020 года, то бок з перыяду, калі спіс экстрэмісцкіх матэрыялаў пачалі выкарыстоўваць менавіта для палітычнага пераследу.
Толькі за апошні тыдзень да спісу было дададзена 24 крыніцы інфармацыі, якія на Берасцейшчыне былі прызнаныя экстрымісцкімі.
У тым ліку прызналі “экстрэмісцкім матэрыялам” Instagram-акаўнт музыкі і мастака Лявона Вольскага. Такое рашэнне прыняў суд Ленінскага раёна Берасця. Раней такі ж статус атрымаў тг-канал Вольскага.
Беларускае Радыё Рацыя
