У Менску затрыманы кіраўнік ліквідаванай Беларускай партыі «Зялёныя» Дзмітры Кучук.
Ён збіраўся ўскласці кветкі каля расейскай амбасады ў Менску – ушанаваць памяць расейскага апазіцыйнага палітыка Аляксея Навальнага.
Пра гэта паведамляе Еўрарадыё. Кучук паспеў паведаміць, што каля амбасады знаходзіцца шмат супрацоўнікаў АМАП. Вядома, што пасля затрымання яго адвезлі ў Цэнтральны РУУС Менску.
Падчас сёлетніх выбараў Кучук спрабаваў зарэгістраваць ініцыятыўную групу па збору подпісаў за яго кандыдатуру ў дэпутаты Палаты прадстаўнікоў, аднак у рэгістрацыі было адмоўлена.
Беларускае Радыё Рацыя
