Паводле сяброў і знаёмых, Алег Супрунюк перастаў адказваць на тэлефанаванні пасля 22 студзеня. Не з’яўляецца журналіст і ў сацыяльных сетках, піша БАЖ.
Спачатку калегі прытрымліваліся версіі, што ён можа быць затрыманы і асуджаны па адміністрацыйнай справе. Але прайшло ўжо больш за 20 дзён, а ў раскладах працы берасцейскіх судоў імя Алега Супрунюка так і не з’явілася.
Таму ёсць верагоднасць, што ён насамрэч затрыманы, але ў межах крымінальнай справы.
Падобным чынам журналіст быў затрыманы ў ліпені 2021 года. Тады дома ў Алега Супрунюка правялі ператрус, Пазней стала вядома, што сілавікі ладзілі «налёты» на прадстаўнікоў незалежных СМІ па ўсёй Беларусі.
