Супрацоўнікі ПК-1 знішчалі асабістыя рэчы асуджаных праз недахоп месца на складах. Працаўнікі калоніі заяўлялі, што «пазбаўляюцца халусця». «У перапоўненай наваполацкай папраўчай калоніі № 1 не хапае месца для захоўвання прадуктовых перадач і рэчаў асуджаных, таму адміністрацыя калоніі дзейнічае такімі радыкальнымі мэтадамі.
Пад знішчэньне рэчаў, якія нібыта сталі непрыдатнымі або „лішнімі“, могуць трапіць амаль новыя тэпці, абутак для спорту, зменныя спартовыя гарнітуры, ручнікі і т. д.» — паведаміў тэлеграм-канал Maydayteam. Пры гэтым, каб не «загрувашчваць» склад калоніі, дзе па законе сваякі з часам маюць права забраць рэчы, адміністрацыя афармляе менавіта іх утылізацыю, а не адпраўку на захоўванне.
