«Мы накіравалі ў адрас нямецкіх палітыкаў зварот пра абмен беларускіх палітвязняў. Без іх вызвалення — як мінімум палітвязняў з гуманітарнага спісу, вызвалення Нобелеўскага лаўрэата Алеся Бяляцкага, Мікалая Статкевіча, Марыі Калеснікавай і многіх іншых, абмен не можа лічыцца справядлівым у адносінах да беларускага грамадства», — паведаміў палітык Павел Латушка.
Паводле неафіцыйнай інфармацыі, у бліжэйшы час магчыма адбудзецца абмен, удзельнікамі якога з аднаго боку стануць расейскія шпіёны і агенты, зняволеныя за злачынствы ў заходніх краінах, а з іншага — расейскія палітвязні і грамадзянін Германіі Рыка Крыгер, асуджаны ў Беларусі на смяротнае пакаранне і памілаваны Лукашэнкам. Дэталі пакуль невядомыя.
Беларускае Радыё Рацыя
