Аляксандра Краўчука, які страціў нагу пасля выбуху газавага балона, асудзілі на 4,5 года зняволення. Як стала вядома праваабаронцам, Берасцейскі абласны суд прызнаў яго вінаватым у «спрыянні экстрэмісцкай дзейнасці». Падрабязнасці абвінавачання застаюцца невядомымі.
У студзені яго ўнеслі ў спіс «экстрэмістаў», а напрыканцы лютага праваабаронцы прызналі яго палітвязнем. Краўчук быў вядомы сваёй барацьбой за правы інвалідаў, патрабуючы адказнасці за выбух газавага балона, а таксама дамогся вяртання ільготнага падатку на зямлю. Апошнім месцам яго працы была Кобрынская ветэрынарная станцыя, адкуль ён звольніўся падчас страйку 2021 года.
