Цэнтр беларускай культуры ў Беластоку запрашае на спектакль “Ордэн Белай Мышы”, створаны паводле антыўтопіі класіка беларускай літаратуры Уладзіміра Арлова.
Спектакль пройдзе на беларускай мове.
Кажа намесніца дырэктара Цэнтра Ілона Карпюк:
– Важна, у такім сэнсе, што кніжка ёсць пунктам выхаду. А ад кніжкі ідзем далей, ідзем у сучаснасць, магчыма і ў будучыню. Бо спектакль заснаваны не толькі на літаратурным тэксце, а таксама на досведах, перш за ўсё, перажываннях жывых людзей, актораў, якія ў гэтым спектаклі прымаюць удзел. Тое, што адбылося пасля 2020 года ў Беларусі, – як гэта ўплывае на жыццё людзей, якія апынуліся ў іншых месцах.
У спекталі “Ордэн Белай Мышы” задзейнічаны выдатныя беларускія акцёры: Святлана Зелянкоўская, Ігар Сігоў, Андрэй Бардухаеў-Арол і Дзіяна Балыка. Спектакль пройдзе на сцэне Nie Teatr’a 11-га снежня. Пачатак у 18-30. Тэатр знаходзіцца па адрасе: вуліца Сянкевіча-4.
Набыць білеты: http://bit.ly/4ijc6kj
Цалкам матэрыял:
Беларускае Радыё Рацыя
