Беларускі ПЭН і Міжнародны саюз беларускіх пісьменнікаў абвясцілі пра прыём заявак на прэмію імя Ежы Гедройця.
Лаўрэатам можа стаць аўтар за найлепшую арыгінальную кнігу, напісаную на беларускай мове і выдадзеную ў 2023 годзе.
Кажа прадстаўнік суарганізатара, прэс-сакратар Міжнароднага саюзу беларускіх пісьменнікаў Ціхан Чарнякевіч:
– Як правіла гэта проза і нон-фікшн, то бок эсэістыка, рэпартаж. У мінулым годзе Ганна Кандрацюк з Падляшша акурат з рэпартажамі выйграла першую прэмію Гедройця. Безумоўна для беларусаў Падляшша ўжо зялёнае святло ў мінулым годзе запалілася. Таму запрашаем усіх. Часу не так шмат, калі ласка, падайце заяўкі.
Намінаваць кнігі для ўдзелу могуць аўтары, выдавецтвы, творчыя абʼяднанні, культурніцкія інстытуцыі, літаратурныя СМІ, аргкамітэт прэміі і сябры журы. Для ўдзелу прымаюцца не толькі папяровыя, але і электронныя кнігі. Дэдлайн падачы заявак: да 4 ліпеня 2024 года ўключна.
Падаць заяўку можна тут:
Заяўка на прэмію імя Ежы Гедройця 2024 (google.com)
Статут Літаратурнай прэміі імя Ежы Гедройця – Беларускi ПЭН (penbelarus.org)
Рэгламент прэміі імя Ежы Гедройця на 2024 год – Беларускi ПЭН (penbelarus.org)
Беларускае Радыё Рацыя
