Цырымонія ўзнагароджання прэміяй імя Ежы Гедройця пройдзе 26 лістапада ў Гданьску, у Еўрапейскім цэнтры Салідарнасці (plac Solidarności 1).
Журы вызначыць тры найлепшыя кнігі, напісаныя ў жанры мастацкай або дакументальнай прозы і выдадзеныя ў 2023 годзе. Пра гэта падчас анлайн-канферэнцыі паведаміла суарганізатарка – намесніца старшыні Беларускага ПЭН-цэнтру Таццяна Нядбай дый агучыла іншыя мерапрыемствы ў межах Прэміі:
-25 лістапада а 17 гадзіне нас чакае адкрыццё выставы арыгінальных ілюстрацый Святланы Дземідовіч, працы мастачкі да кнігі паэзіі Насты Кудасавай “Побач” у гаме чорна-белага ўспаміну будуюць дом для слоў, нават самых складаных. І а 18-й гадзіне будзе адбывацца дыскусія “Канфіскаваныя галасы: страчаная свабода і раздзеленыя сем’і”. Мы там пагаворым, якім чынам супраціўляемся прымусовай русіфікацыі, якім чынам перажываем праблемы рэпрэсаваных грамадзян Беларусі, пра палітвязняў, пра іх сем’і, якія падзеленыя трагічнымі падзеямі.
А ўжо 26-га лістапада з 15-00 распачне сваю працу кніжны кірмаш, адбудуцца сустрэчы са Змітром Бартосікам, Ганнай Янкутай і Уладзімірам Някляевым. Само ўручэнне Прэміі, на якую намінавана 6 (шэсць) кніг ад беларускіх аўтараў, адбудзецца а 19-й. Уваход вольны. Плануецца анлайн-трансляцыя.
Цалкам матэрыял слухайце ў далучаным файле:
Беларускае Радыё Рацыя
Фота Прэміі
