У Беластоку прайшла прэзентацыя 17-й Падляшскай Актавы Культур — фестывалю, які зноў аб’яднае традыцыі з усяго свету.
У мерапрыемстве ўдзельнічалі прадстаўнікі рэгіянальных уладаў, сярод якіх быў і сябра Маршалкоўскай управы Яцэк Пярунэк:
– Некалькі канцэртаў у Лапах і Семятычах. Але яшчэ да гэтага маем канцэрты ў Дубічах Царкоўных, Харошчы, Кляшчэлях, Дуброве Беластоцкай, Янаве і Заблудаве. Некалькі гэтых канцэртаў пройдуць ад 17 да 20 ліпеня. Такім чынам пачынаем культурнае лета ў Падляшскім ваяводстве.
На фестываль у гэтым годзе прыедуць артысты з васьмі краін, у тым ліку з Ганы, Эстоніі, Харватыі, Азербайджана і Беларусі. Фестываль адбудзецца з 17 па 20 ліпеня ў Беластоку і па ўсім рэгіёне.
Афіцыйная праграма размешчана на сайце Падляшскага інстытута культуры.
Беларусмкае Радыё Рацыя
Фота аўтара і POK
