Файная імпрэза з вольным уваходам адбудзецца ў гэтую суботу (03.08) у Odessa Club (ul. Kolejowa 8/10, Warszawa) — адборавы конкурс маладых выканаўцаў “Зайграй на Graj”! Пераможца адкрые галоўную сцэну трэцяга фестываля беларускай музыкі Graj.
Вас чакае шмат разнастайнай музыкі самых розных жанраў: ад поп-рока да блэк-метала.
На сцэне Odessa Club зайграюць:
Graphotype — англамоўнае трыа з Варшавы. Гурт грае ў жанрах хард-рок, гранж, блюз-рок, натхняецца музыкай 60-х і 70-х.
OliA Shnip Band — гурт утвораны ў 2023 годзе ў Варшаве, складаецца з прафесійных беларускіх музыкаў, якія граюць cinematic pop.
Kurwadziki — здзічэлыя ў беластоцкіх лясах беларускія музыкі з музычнай фундацыі Всё_CRAZY і іншых. Акустычны панк з берагоў Свіслачы і Нарэва.
Homebound — беларускі музыка, які пачаў займацца сольным праектам у 2023 годзе. У ягонай творчасці спалучаюцца элементы singer-songwriter, indie і электроннай музыкі, а таксама беларуская і ангельская мовы.
Мой дядя Азнавур — апісвае сваю творчасць так: крыху шансону, крыху панку і ніякага кахання.
Paradox — гурт утвораны ў 2023 годзе ў Варшаве. Складаецца з чатырох удзельнікаў, якія граюць у жанрах пост і поп-рок.
Юрый Брыцько — малады выканаўца родам з Мазыра, цяпер базуецца ў Вільні. Музыка не мае пэўнага жанру, яго асноўны прынцып — гэта калейдаскоп, змешванне розных стыляў.
TORN – гурт утвораны ў 2023 годзе ў Варшаве. Грае блэк-метал, панк і металкор. Музыка для моцных духам! Рыхтуйцеся трэсці хаерам!
Kubaverde – рэпрэзентант сталічнай хіп-хоп сцэны на свяце рок-н-ролу. Чакайце песні пра Менск i каханне.
Чакаем усіх аматараў музыкі!
03.08.24 (субота). 18:00. Odessa Club (ul. Kolejowa 8/10, Warszawa)
Уваход вольны!
Арганізатары
