Беларускі пісьменнік Альгерд Бахарэвіч стаў лаўрэатам Ляйпцыгскай кніжнай прэміі еўрапейскага паразумення за раман “Сабакі Еўропы”. У Беларусі раман у 2022 годзе атрымаў статус «экстрэмісцкіх матэрыялаў». Але гэта толькі паспрыяла рэкламе твора, — кажа Альгерд Бахарэвіч.
— Кніга, дзякуючы гэтаму, з аднаго боку, набыла яшчэ большую вядомасць, пастаўлены спектакль па ёй беларускім свабодным тэатрам. На найлепшых сцэнах свету спектакль паказаны, але для мяне гэта натуральна. Нямецкі пераклад — для мяне гэта вельмі важная падзея ў жыцці.
Раман “Сабакі Еўропы” быў выдадзены па-нямецку ў лютым 2024 года выдавецтвам Voland & Quist у перакладзе Томаса Вайлера. Цырымонія ўзнагароджання адбудзецца 26 сакавіка 2025 году падчас адкрыцця Ляйпцыгскага кніжнага кірмаша.
Беларускае Радыё Рацыя
