Экс-дырэктар Беларускай службы Радыё Свабода Аляксандр Лукашук прэзентаваў у Варшаве сваю кнігу “Там, дзе няма цемнаты: Радыё Свабода”.
“Мне было важна падзяліцца досведам”, – распавёў аўтар:
– Я лічу, што ў Беларусі вельмі мала кніг пра гісторыю журналістыкі, няма ўспамінаў рэдактараў галоўных газет, радыёстанцый. Паглядзіце, якая ў нас гісторыя партал TUT.BY і Зісер, БелаПАН і Алесь Ліпай, газета “Свабода” і Ігар Гермянчук. Яны ўсе заслугоўваюць кнігі. Журналісты, галоўныя рэдактары, дырэктары мусяць пісаць. Трэба гэту прафесію асэнсоўваць і паказваць яе для іншых. У гэтым сэнсе, скончваючы працу на “Свабодзе”, я хацеў бы зафіксаваць свой досвед.
Прэзентацыя кнігі адбылася спачатку на Кніжным Кірмашы, а пасля – на сустрэчы ў Прэс Клубе. Таксама можна было набыць кнігу, сродкі ад яе будуць накіраваныя палітзняволенным беларускім журналістам.
Беларускае Радыё Рацыя
