У Беластоцкім музычным клубе адбылася прэм’ера. Гэтым разам беларускі музыка Андрусь Такінданг прэзентаваў слухачам сваю сольную працу «Mir i Supakoj».
Музыка распавёў пра будучы тур і пра тое, як яго ўспрыняла беластоцкая публіка:
– Наступны будзе Познань і праз тыдзень у Варшаве зробім канцэрт. У Беластоку цудоўная публіка. Тут такая заўсёды душэўная вельмі зала. Я трымаю зараз ў руках кошык з прэзентамі. Гэта цытрына, яблыкі, такі вітамінны кактэйль мы атрымалі. Такога нідзе, як ў Беластоку не бывае. Тут свая асаблівая атмасфера. І вельмі крута, што тут свой уласны клуб, які самы музыкі зрабілі. Гэта вельмі цудоўна.
А беларусы Беластоку вельмі былі радыя пабачыцца з Андрусём і не хавалі сваіх эмоцый:
– Люблю песні, вось я тады в дваццатым годзе першы раз пачула ягоныя песні, яны былі і ёсць ў маім плэйлісце.
– Без такога выпендрывання, без вялікіх прэтэнзій. Звычайна, нармальна. Настрой падымаецца.
– Чуў песні, чуў пра яго самаго, але жыўцом бачу першыню.
Цягам бліжэйшага тыдня жыхароў Беластоку ў музычным клубе чакаюць Каsary, Dzieciuki, выступіць Кацярына Ваданосава і Зуі.
Цалкам матэрыял:
Беларускае Радыё Рацыя
