Гэты выпуск прысвечаны песням, якія пачынаюцца не з чыстага ліста, а з цытаты — радка, мелодыі ці інтанацыі, ужо вядомай раней. Часта — народнай, партызанскай, калектыўнай. Пачатак як знак памяці і працяг размовы, якая пачалася задоўга да нас.
Размова пра тое, як працуе гэты прыём у сучаснай музыцы, чаму цытата на пачатку — гэта не пазыка, а спосаб уключыць слухача ў агульны культурны код. І як праз такі пачатак песня адразу атрымлівае глыбіню і напружанне.
У праграме — песні гурта N.R.M. («Партызанская», «Маё пакаленьне», «Добры вечар, дзяўчыначка»), а таксама прыклады з творчасьці гурта «Уліс».
Пасля — мой флэшбэк у шырэйшы кантэкст: ад беларускіх песень да афраамерыканскага спірычуэла «Oh Lordy, trouble so hard» — як прыкладу таго, як народная памяць працягвае жыць у новай музыцы. Пра сувязі, пераемнасць і гукі, што пераходзяць з часу ў час.
Выпуск «Хіба толькі Рэха» — пра памяць, цытату і музыку, якая пачынаецца раней за першы акорд.
Слухайце перадачу 10 студзеня а 14-й гадзіне польскага часу.
Піт Паўлаў, Беларускае Радыё Рацыя
