У памяшканні Беластоцкага музычнага клуба на Легіяновай 14/16 адбыўся вялікі канцэрт з амаль дзясяткам удзельнікаў. Кіраўнік і заснавальнік музычнага клуба Антон Сіроцін лічыць гэты канцэрт новай прыступкай для дзейнасці клуба:
– Гэта было проста закрыццё гэтай крокі. А сезон мы распачалі вось так весела. Даволі шмат людзей. Дахалеры музыкаў, гэта ўсё рэзідэнты нашы, то бок нас стала больш за гэты год. З’явіліся новыя імёны – RASTATE, DA KOSTKA.
Па словах Антона новыя праекты маюць вялікі патэнцыял:
– RASTATE – гэта наогул такі рэгі-кор. Заўсёды цікава слухаць, калі міксуюць розныя накірункі музыкі. DA KOSTKA – гэта вельмі кранальны жаночы, амаль што сольны праект, але ў ёй таксама ёсць шмат невыказанага, і вельмі класна, што Даша адкрыла ў сабе яшчэ і спявачку, а не толькі паэтку. Мне гэта вельмі падабаецца.
Канцэрт скончыўся ў Беластоку познай ноччу, а сярод выступоўцаў былі BIZON, DA KOSTKA, PALYNSKI, DZYADZEN’KA, PAMIDORAU, VADANOSAVA, KURWADZIKI ды RASTATE.
Беларускае Радыё Рацыя
